Խաղ–վիկտորինա «Ճանաչենք մեր հայրենիքը»
Սյունիքի մարզային գրադարանի մանկական բաժնում «Ճանաչենք մեր հայրենիքը» խորագրի ներքո տեղի ունեցավ խաղ–վիկտորինա։ Վիկտորինայի մասնակիցները Կապանի թիվ 3 միջնակարգ դպրոցի VII «Ա» դասարանի աշակերտներն էին (դասղեկ՝ Ալլա Ավագյան)։ Դասարանի 21 աշակերտները վիճակահանությամբ բաժանվեցին 3 թիմերի՝ «Հալիձոր», «Խուստուփ», «Բաղաբերդ»։ Թեժ պայքարի արդյունքում հաղթող ճանաչվեց «Հալիձոր» թիմը։ Պակաս ակտիվ չէր նաև հանդիսատեսը։ Հետաքրքիր և ուսանելի խաղով ոգևորված աշակերտները ցանկություն հայտնեցին կրկին մասնակցել նմանատիպ խաղ–մրցույթի։ Աշխատակից Ռուզաննա Մեսրոպյանը երեխաներին խորհուրդ տվեց հաճախ այցելել գրադարան, քանի որ բազում հարցերի պատասխաններ հենց գրադարանում կարող են գտնել։
