Մայիսի 28՝ Հայաստանի Առաջին Հանրապետություն

«Մայիսի 28–ը մեր պատմության ամենամեծ տոնն է։ Հեռու չէ այն օրը, երբ մայիսի 28–ը կտոնվի իբրև համազգային անհերքելի ամենամեծ տոն, և ամեն հայ երկյուղածորեն պետք է խոնարհվի այդ տոնի առջև»։

Հովհաննես Քաջազնունի ՀՀ առաջին վարչապետ

Մայիսի 28-ը մեծ հպարտություն է արթնացնում յուրաքանչյուրիս սրտում։ 103 տարի առաջ այս օրը Հայոց ազգային խորհուրդը հայտարարեց անկախ Հայաստանի Հանրապետության ստեղծման մասին:

Առաջին հանրապետությունը հիմնադրվեց հայ ժողովրդի համար ծանր ժամանակահատվածում՝ Մեծ եղեռնից հետո և Սարդարապատի, Բաշ-Ապարանի և Ղարաքիլիսայի հերոսամարտերի համայնապատկերին, երբ, ըստ էության, որոշվում էր հայ ազգի լինել-չլինելու հարցը, երբ բնաջնջման ծրագրից խուսափած բազմահազար գաղթականները, սովը և ռուսական կայսրության նվաճողական քաղաքականությունը հնարավորություն չէին ընձեռելու պետության ղեկավարներին ստեղծելու կայուն պետություն: Ու չնայած իր կարճատև գոյությանը` այն դարձավ մեր ազգային վերածննդի և նոր պետականության կայացման հիմնասյունը:

Մայիսի 28-ին Սյունիքի մարզային գրադարանի սպասարկման բաժնում տեղի ունեցավ գրական-երաժշտական ցերեկույթ, որը կրում էր «Վաղվա Հայաստանի սահմանները գծելու են հայ զինվորի արիությունն ու հայրենասիրությունը»խորագիրը` նվիրված 1918թ. մայիսի 28-ին ծնունդ առած Հայաստանի Առաջին Հանրապետությանը։

Հայրենասիրական երգ ու պարով հանդես եկան Արվեստի պետական քոլեջի ուսանողները, մանկապատանեկան ստեղծագործական կենտրոնի, «Նարին» պարային համույթի սաները, ասմունքեցին Կապանի թիվ 3,6,7 հիմնական դպրոցի աշակերտները։

Թողնել պատասխան

Ձեր էլ-փոստի հասցեն չի հրապարակվելու։