Դանիել Սմիթ «Մտածել ինչպես Այնշթայնը»

 Ալբերտ Այնշթայնը՝ աշխարհի ամենահայտնի՝ E = mc2 հավասարման հեղինակը, «ցնդած գիտնականի» ոճի հիմնադիրը, անցել է ֆիզիկայի սահմանները՝ փոխելով տիեզերքի մեր ընկալումը: Այս ոգեշնչող գիրքը ընթերցողին հրավիրում է ծանոթանալու Այնշթայնի ցուցաբերած եզակի մոտեցմանը իր դարաշրջանի խոշոր գիտական առեղծվածների բացահայտման հարցում, ինչպես նաև վերհանում է նրա անհատականության և աշխարհայացքի ձևավորմանը նպաստած գաղափարներն ու ազդակները՝ վերծանելով դրանք, ինչը կօգնի հասկանալու, թե ինչպես նրա մեթոդներն ու գործելակերպը կիրառել ձեր կյանքի տարբեր բնագավառներում:

Մեջբերում գրքից

Ալբերտ Այնշթայնի մտքերից

Կյանքը մարաթոն է, ոչ թե սպրինտ-«Ես երբեք չեմ մտածում ապագայի մասին: Այն բավականին շուտ է գալիս»:

Եղի՛ր հետաքրքրասեր-«Ես առանձնապես տաղանդավոր չեմ: Պարզապես ես անչափ հետաքրքրասեր եմ»:

Աշխարհին նայի՛ր ուրիշի աչքերով-«Երևակայությունն ավելի կարևոր է, քան գիտելիքը: Գիտելիքը սահմանափակ է: Երևակայության սահմաններում տեղավորվում է ողջ աշխարհը»:

Բայց մարդկանց հետ անիմաստ մի՛ թշնամացիր-«Դժվար է նրան դարձնել քո թշնամին, բայց եթե նա իր սրտից քեզ դուրս շպրտի, իմացի՛ր, որ դու նրա համար այլևս գոյություն չես ունենա»:

Մի՛ անտեսիր մտերիմներիդ-«Ես երբեք ամբողջ հոգով չեմ նվիրվել երկրին կամ պետությանը, ոչ էլ նույնիսկ իմ սեփական ընտանիքին: Այս կապերը միշտ ուղեկցվել են օտարության մշուշոտ զգացողությամբ»:

Կարդալ ինչպես Այնշթայնը-«Մի՛ կարդա ցանկացած լրագիր, գտի՛ր մի քանի քեզ պես մտածողների և կարդա՛ անցյալի հրաշալի գրողներին՝ Կանտ, Գյոթե, Լեսինգ ու այլ երկրների դասականներին…»:

Այնշթայնն ու Աստվածը-«Տիեզերքի օրենքներում դրսևորվում է մի ոգի, որն ակնհայտորեն առավել է, քան մարդը…»:

Մտածի՛ր մեծ բաների մասին-«Նա, ինչպես Սոկրատեսը, գիտեր, որ մենք ոչինչ չգիտենք…»:

Լողա՛ հոսանքին հակառակ-«Մեր կյանքի եռուզեռում իսկապես արժեքավորը ստեղծագործ և տպավորվող անհատականությունն է, այն անձը, ով ստեղծում է ազնվագույնն ու վսեմը, մինչդեռ ընդհանուր ամբոխը մնում է մտքով բութ և հոգով անզգա»:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով