Մարկ Լևի «Պարոն Դալդրիի տարօրինակ ճամփորդությունը»

«Պարոն Դալդրիի տարօրինակ ճամփորդություն» վեպը, որը լույս է տեսել 2011 թ․ ֆրանսիացի հայտնի ժամանակակից գրող՝ Մարկ Լևիի հայերեն թարգմանված առաջին ստեղծագործությունն է: Հեղինակն իրեն հատուկ ռոմանտիկ ոճով հյուսում է մի գեղեցիկ, հուզիչ սիրո պատմություն: Գիրքը մի աղջկա՝ Օծանագործ Ալիսի մասին է, ով ապրում է մենակ և զբաղվում է օծանելիքների նոր բույրերի հայտնագործումով։ Չնայած նրան, որ Ալիսը շրջապատված է ընկերներով, միայնության զգացողությունը ճնշում է նրան։ Ծննդյան տոների ընթացքում տոնավաճառում Ալիսը հանդիպում է մի շրջիկ պայծառատես կնոջ։ Վերջինս ասում է, որ իր կյանքի ամենակարևոր տղամարդը վայրկյաններ առաջ անցել է նրա ետևից: Սակայն նրան հանդիպելու համար Ալիսը պետք է ճանապարհորդի և հանդիպի վեց անձնավորության, որոնք էլ կառաջնորդեն Ալիսին դեպի իր ճակատագիրը։ Վերջում ավելացնում է, որ Ալիսի կյանքի անսպասելի շրջադարձը տեղի կունենա Ստամբուլում։ «Պարոն Դալդրիի տարօրինակ ճամփորդությունը» վեպ է ինքնաճանաչման փնտրտուքի մասին, մի պատմություն, որ կա մեզանից յուրաքանչյուրի մեջ, այն մասին, ինչ պարզապես մեր ծնողները, մեր դաստիարակությունը կամ մեր կյանքը դեռևս չեն բացահայտել։