Ջոան Ռոուլինգ «Հարրի Փոթերը և Փիլիսոփայական քարը»
Ծնողներին կորցնելուց հետո Հարրի Փոթերն ապրում է մորաքրոջ ընտանիքի հետ, որտեղ տղային հալածում են, նվաստացնում և գրեթե կիսաքաղց պահում: Սակայն երբ լրանում է Հարրիի տասնմեկ տարին, նրան հրավիրում են Հոգվորթս` աներևակայելի մի դպրոց, որտեղ կարող են սովորել միայն բացառիկ` կախարդական ունակություններով օժտված պատանիներն ու աղջիկները:
Այստեղ Հարրի Փոթերին սպասում է բոլորովին նոր` անհավանական արկածներով ու փորձություններով հարուստ կյանք:
![](http://syunik.reglib.am/wp-content/uploads/2021/03/Harry.jpg)
Գիրքը կարող եք կարդալ PDF տարբերակով առցանց
Թեոդոր Դրայզեր «Հանճարը»
Սա Թեոդոր Դրայզերի կիսակենսագրական վեպն է գրված 1915 թվականին։ Վեպում նկարագրված է գլխավոր հերոսի, հանճարի`Յուջին Վիտլայի կյանքի պատմությունը, ում սիրո և գեղեցիկի մասին պատկերացումները տարբերվում էին մյուսների պատկերացումներից։
. Կյանքը լեցուն է անարդարությամբ։
. Ի վերջո ի՞նչ է կյանքը, ի՞նչ է մարդկային մարմինը, ինչից է առաջանում կիրքը։ Մենք մի քանի տարի գալարվում ենք տենչերի տենդով և այրվելով սպառվում։
. Ամուսնությունը բնության խաղ է, որը մարդուն ստիպում է իրագործել ցեղի շարունակման իր ծրագիրը։ Սերը պատրանք է, կիրքը` հապճեպորեն պատրաստված մի խայծ։
. Մարդկային զգացմունքները շատ շուտ են հոգնում վերակրկնվող զգայական տպավորություններից, միաժամանակ նույնպիսի պատրաստակամությամբ չափազանցնում են անսովոր գեղեցկությունն ու հմայքը։ Եթե դա նոր է, պետք է ավելի լավը լինի, քան այն, ինչ ունեցել ենք առաջ։
![](http://syunik.reglib.am/wp-content/uploads/2021/03/Drayzer.jpg)
Գիրքը կարող եք կարդալ PDF տարբերակով առցանց
Ռիչարդ Բախ «Ջոնաթան Լիվինգսթոն Որորը»
Գրքում պատմվում է Ջոնաթան Լիվինգսթոն Որորի պատմությունը։ Ձկնորսական նավի մոտ խայծով ցանց են նետում ջուրը և ճայերը հավաքվում են իրենց բաժին ձուկը թռցնելու համար։ Ճայերից մեկը, որի անունն է Ջոնաթան Լիվինգսթոն, վարժվում է թռիչքի մեջ բոլորովին միայնակ։ Նա խախտում է խմբի բոլոր չգրված օրենքները՝ թռչում է ցածր, կախվում է օդում։ Փորձում է կատարելության հասցնել թռչելու իր արվեստը։ Նա քամահրում է ճայերի հիմնական զբաղմունքը՝ կեր հայթայթելը։ Ճայերի ժողովը որոշում է աքսորել Ջոնաթանին հեռավոր Ժայռեր, որովհետև նա արհամարհում է իրենց օրենքներն ու սովորույթները։
![](http://syunik.reglib.am/wp-content/uploads/2021/03/livingston.jpg)
Գիրքը կարող եք կարդալ PDF տարբերակով առցանց
Օսկար Ուայլդ «Դորիան Գրեյի դիմանկարը»
«Դորիան Գրեյի դիմանկարը» անգլիացի գրող Օսկար Ուայլդի վեպն է։ Վեպում արծարծվում են բազմաթիվ հարցեր, որոնցից հիմնականը արվեստի, բարոյագիտության և գեղեցիկի փոխադարձ կապն է։ Դորիան Գրեյը, հետևելով Հեդոնիզմին, դառնում է գեղեցկության և երիտասարդության պաշտամունքի զոհը։
![](http://syunik.reglib.am/wp-content/uploads/2021/03/Oskar.jpg)
Գիրքը կարող եք կարդալ PDF տարբերակով առցանց
Հակոբ Խաչիկյան, Ժան Իվ Սուսի «Ամառ առանց այգաբացի»
![](http://syunik.reglib.am/wp-content/uploads/2021/03/ամառ.jpg)
Առաջին հայացքից թվում է, թե գիրքը ցեղասպանության մասին է, բայց այն մի հայ ընտանիքի կյանքի պատմություն է, որտեղ խոսվում է ընտանեկան բոլոր խնդիրների մասին: Գրքում կա և՛ սեր, և՛ բռնություն, և՛ հավատարմություն, և՛ դավաճանություն:
Գիրքը կարող եք կարդալ PDF տարբերակով առցանց
![](http://syunik.reglib.am/wp-content/uploads/2021/03/book.png)